إنتشار معامل التحاليل خلى المنافسة شرسة جداً، لدرجة خلت معامل كتير بنشوفها عاوزة تصفي وتبيع أجهزتها حتى بالخسارة! بصراحة أحنا بنشوف دا هروب، وخوف من المواجهة، لأن الى نجحوا مش أحسن منك، ببساطة هما فكروا صح. المعامل الناجحة دائماً بتستثمر فالتسويق واعلانات معامل تحاليل مبهرة.

والأعلانات والدعاية لمعامل التحاليل محتاجة إبتكار، يعنى مش مجرد اعلان بيقول للناس ان فية معمل وخلاص. لازم تبين مدي خبرتك ونجاحك وأية الى بيميزك عن منافسينك والمعامل التانية. وهنقولك فالمقالة دي أزاي تبقا مميز فمجال التسويق الالكتروني واعلانات معامل تحاليل ناجحة.

أمتى نعمل “اعلانات معامل تحاليل”؟

فكل وقت معملك محتاج أعلان، سواء كنت لسة معمل ناشئ ومحتاج سيولة، أو كنت معمل كبير وبيدخل ربح مناسب. دايماً بنشوف الشركات الكبيرة بتعمل اعلانات سواء على التليفزيون أو على وسائل التواصل الأجتماعي مع انهم شركات كبيرة ومش محتاجة يعني، لكن الغرض انهم يفضلوا كبار!

الحاجة للأعلانات بتزيد لو لسة معملك بيبدأ، هتكون محتاج تعرف الناس بيك، وتبني معاهم علاقة نجاح. يعني تديهم نصائح تساعدهم فعلاً فحياتهم، وتعرفهم كتير عن مجالك والتحاليل المناسبة ليهم. وعلاقتك الكويسة بيهم، هتخليهم دايماً يلجئولك لطلب النصيحة، وعمل تحليل، ودا هيدخلك فلوس، وطبعاً دا المطلوب بالنسبالك.

أزاي ابدأ اعلانات لمعمل تحاليل؟

بص، الأعلان دا جزء من خطة تسويقية، بتعتمد على حالة كل معمل، ولازم تتدرس كويس من خبير تسويق شاطر. بس خليني أديك الزتونة:

• أعرف حجم معملك

ببساطة لو معملك متواضع، مش لازم تدي العميل إنطباع انه هيلاقي معمل فبريطانيا، لأنه لما يجيلك هيتصدم، وخلي دايماً الكلام على قد الفعل. علشان العميل ميبقاش حاطط سقف توقعات عالي، ولما يجي يحس انه مش دا الى كان عاوزة “Customer expectations”. لكن لو حجم معملك كبير، وفمكان فخم، خلي كلامك كبير بردو ^^.

• أعرف عميلك كويس

لازم تفهم عميلك وتدرسة، وتعرف لغتة الدارجة. لأن العميل البسيط، لو معملك فمكان شعبي، هيخاف يجيلك وهو حاسس انك مش شبهة. بس فنفس الوقت، أنت معمل تحاليل طبية، يعني ماينفعش تستعمل ألفاظ سوقية فحملاتك، لأن دا هيدي أنطباع مش حلو. بس حاول بقدر الأمكان تبقا شبه عميلك، وتتكلم لغة يفهمها وميخافش منها.

• أدرس الأسعار

أعرف السوق حواليك عامل ازاي، وخلي أسعارك قريبة منهم. ودايماً حاول تعمل عروض مغرية ليهم، لأني لو هعمل تحليل واحد ب 100 جنية، ولقيت عرض تحليلين هتطمن بيهم على نفسي ب 130 مثلاً، انا هختار الى ب130.

• أعمل خطة تسويقية

جمع كل الي فات، من دراسة وضعك الحالي، وحجم المنافسة، واعرف انت عاوز توصل لأي عميل، وتعرض عليه أى تحاليل، ودي الخطة التسويقية. والخطة دي هتساعدك، حتى لو لا قدر الله فشلت، لأنك هتكون عارف سبب الفشل. مفيش حد ناجح بيشتغل من غير خطة واضحة، لازم يبقا ليك plan يا دكتور.

اعلانات معامل تحاليل

لو انت فمصر بننصحك، أن يكون عندك صفحة فيسبوك تعمل عليها خطتك. وانا قاصد أستعمل "خطتك" مش أعلانك، لأن الحملة الناجحة مش بتبدأ بأعلان واحد. يعني لازم يكون عندك خطة زي ما أتكلمنا، مثلا تتكلم عن الأمراض والتحاليل المناسبة ليها. ولو كنا فرمضان مثلا تتكلم عن السكر فرمضان أو اى مشاكل بتواجة عميلك.

اعلانات معامل التحاليل لازم متبقاش أنانية، يعني ممكن تعمل اعلان مش غرضة الربح فالأول، يبقا غرضة تعلمهم حاجة وتفيدهم فعلاً فحياتهم.

اعلانات فيسبوك لمعمل تحاليل

عمل صفحة على الفيسبوك لمعملك، شئ ضروري، وبننصحك تنزل فالأسبوع 4 بوستات، ويكونوا 3 منهم يفيد العميل فعلا وينصحة، وبوست واحد غرضة تجاري. وفأول شهر يكون غرض الأعلانات هو انه يفيد العميل وينصحة ودا هيساعدك كتير جداً لما تعمل اعلانات تجارية، لأن العميل هيكون عرفك وعرف انك حابب تفيدة مش غرضك الربح بس.

تصميم بوستات لمعملك

لازم تصمم بوستات إحترافية، مش صور من الأنترنت (في الغالب، العميل شافها قبل كدا). يعني تصمم صورة عليها اللوجو بتاعك بحيث العميل يكون له رابط بصري بيك، ويتعلق باللوجو والألوان بتاعتك. وبردو لازم تكون التصميمات كلها ليها نفس الألوان والشكل، بحيث ان دا ميشتتش العميل ويعرف يميزك عن غيرك.

لوجو إحترافي لمعملك

المعامل الكبيرة زي البرج والمختبر وغيرهم، ليهم لوجو خاص بيهم، لأنه عارفين أهمية "الهوية البصرية" فالتأثير على العميل. الحاجات الصغيرة دي بتأثر فالعميل بشكل غير واعي، وبيحس أنك براند مش مجرد معمل زي معامل كتير بقت منتشرة. اللوجو لازم يكون مميز، وألوانة واضحة، ومناسب لأسم المعمل، ويكون ليه فكرة يقدر العميل يتوقعها بمجرد أنه يشوف اللوجو.

تكلفة اعلان معمل تحاليل

أحنا شركة دعايا للتسويق الألكتروني، مخصصين فالمجال الطبي، واعلانات معامل التحاليل دي لعبتنا! هنقدر نعملك خطة تسويق وننفذها حسب إحتياجك، وبتكلفة معقولة، بتتحدك بعد ما بنتكلم وبنعرف أحتياجاتك. تقدر تكلمنا واتس اب علشان تعرف أكتر. أحنا كمان نقدر نصمملك لوجو وهوية بصرية وكل حاجة تخص معملك أون لاين.