محتويات المقالة
ما هو التسويق الألكترونى ؟
التسويق الألكترونى ، او التسويق الرقمى ببساطة هي عملية الدعايا ونشر محتوى او افكار على الأنترنت. سواء عن طريق محركات البحث زى جوجل Google أو بينج Bing أو عن طريق مواقع التواصل الأجتماعى زى الفيسبوك وتويتر و إنستجرام. وأكتر حاجة بتميز التسويق الألكترونى عن غيرها من طرق التسويق التقليدية، هيا الأستهداف Targeting. هنتكلم عن كل حاجة بالتفصيل بخصوص تعلم التسويق الألكترونى والدورات والكورسات ونصائح عامة وازاى تلاقى وظائف.
لية الأستهداف أو التارجتنج Targeting مهم ؟!
أتخيل معايا انك فتحت عيادة أمراض نسا، وطبعت ورق كدعايا للعيادة ، لكن للأسف الولد الى اخد الورق يوزعه فالشارع، وزعه للرجالة! طيب اتخيل معايا انك اتعلمت من غلطك وقولت للولد دا انا عاوزك توزع الورق على الستات الى تحس انهم من 22 ل 35، أو الى تشوف فأيدهم دبله (متجوزين). طبعاً الفرق فالنتيجة هيكون ملحوظ جداً من أول حملة (الى كانت بدون إستهداف) لتانى حملة (الى كانت بأستهداف واضح).
طبعا الأستهداف للأعلانات Targeting لازم يتخططلة كويس ونعرف مين العميل بتاعنا ونحاول نوصلة بكل الأشكال المختلفة. وكل تطبيق او موقع بيتيح خصائص مختلفة من الأستهداف. يعنى أستهداف الأعلانات فى تويتر غير الأستهداف على الانستجرام والفيسبوك ومختلفين تماما عن استهداف اعلانات جوجل.
كيف ابدا تعلم التسويق الالكتروني ؟
ناس كتير جداً نفسهم يبدأو فى مجال التسويق الالكترونى ، لكن مش عارفين يبدوأ منين! هنقدملك دليل للبدء فى تعلم التسويق الالكترونى:
1- بأختصار لازم تتعمل فى الأول مبادئ التسويق marketing fundamentals والمبادئ دى مش بتختلف من التسويق العادى للتسويق الألكترونى. فمبادئ التسويق هتتعلم ازاى تختار البرسونا persona ودى الشخصية التخيلية للعميل المحتمل بتاعك. و هتتعلم ازاى تعمل خطة تسويق marketing plan بشكل عام.
2- عمل اعلانات سوشيال ميديا: لازم تتعلم تعمل اعلانات على مواقع التواصل الأجتماعى أو السوشيال ميديا زى اعلانات الفيسبوك ، و أعلانات الأنستجرام.
3- احترف اعلانات السوشيال ميديا: لو عاوز تبقا لعيب فالسوشيال ميديا، اتعلم اعلانات تويتر ، و اعلانات سناب شات snap chat ، و دول مهمين اوى بالذات لو هتشتغل مع عملاء فى الخليج.
4- أتعلم اعلانات جوجل: اعلانات جوجل مهمة أوى للشركات والمواقع الى بتقدم خدمات اون لاين ، يعنى اعلانات جوجل للمتاجر الألكترونية ، او المواقع البيع الاون لاين. فلو اتعلمت اعلانات جوجل هيتحلك فرص كتير جدا وهتضيف للسى فى بتاعك كتير.
5- اتعلم تهيئة المواقع لمحركات البحث Search Engine optimization (SEO) : ودلوقت شركات كتير بتدور على ناس تشتغل فالمجال دا وبأختصار الاس اى او SEO ازاى تخلى الموقع بتاع الشركة ياخد ترتيب عالى فجوجل عن طريق ممارسات صح بتعملها منها كتابة المقالات بطرق معينة او الروابط من مواقع تانى back links.
دورة / كورس التسويق الالكتروني مجانا
دورات كتير جدا جدا موجودة فى عالم التسويق الألكترونى لكن انا برشح مجموعة من الدورات ليك كمبتدئ زى مثلا:
1. "التسويق الإلكتروني - إدارة الحملات الرقمية المدفوعة" من موقع ادراك:
ادراك من المواقع الى بتقدم كورسات تسويق مجاناً ، و كورس التسويق الالكترونى دا مميز لأنة بيعلمك اساسيات التسويق، واعلانات جوجل واعلانات السوشيال ميديا (اعلانات التواصل الأجتماعى). بنصح بالكورس دا لأى حد مبتدئ وضعيف فالأنجلش ، لأن الكورس دا باللغة العربية. الكورس بردو بتاخد بية شهادة بشكل مجانى تقدر تضيفها فالسى بى بعد ما تخلص.
2. كورس SEO تهيئة المواقع لمحركات البحث، مجانا:
موقع ادراك بردو بيقدم مجموعة كورسات مع بعض بالتعاون مع "مهارات جوجل" واسم مجموعة الكورسات دى "التسويق الرقمي: الـ SEO، التحليل الرقمي، والتواجد الصحيح" مجاناً. مجموعة من 3 كورسات بتتكلم عن تحليل البيانات علشان تحسن ترتيب الموقع فى محرك بحث جوجل.
3. شهادات جوجل:
جوجل بتقدم كورسات معترف بيها دولياً ومجانية تماما، و تقدر تشوف كل الكورسات وتختار الكورس المناسب ليك ومستواك من "مهارات جوجل" . الميزة فمهارات جوجل انها بسيطة جدا وبالعربى بردو ، يعنى مناسبة لأى حد لسة بيبتدى فمجال التسويق الرقمى.
4. كورسات تسويق يوداستى Udacity:
كورسات التسويق من يوداستى هي الأفضل على الأطلاق، أحسن كورسات تسويق ممكن تاخدها وتعلمك فعلا هى يوداستى. لأنها مش بس بتعلمك دى كمان بتخليك تجرب كل حاجة اتعلمتها من خلال access يعنى بتضيفك على حساب الفيسبوك وتعمل اعلان ببلاش بعد ما بتتعلم وكذلك فجوجل. كل حاجة بتتعلمها بتنفذها بأيدك. لكن المشكلة ان كل كورسات يوداستى مدفوعة وغالية جداً.
ممكن تشوف منحة مبادرة مستقبلنا رقمى من وزارة الأتصالات المصرية وتقدم فيها علشان تاخدها ببلاش (لكن دى متاحة للمصرين فقط).
وظائف تسويق الكتروني
فرص عمل كتير جدا متاحة للمسوق الألكترونى Digital marketer، وخصوصاً انك ممكن تشتغل من البيت لأن شغل ألكترونى، طب ازاى تلاقى فرص عمل تسويق ؟
1. دور على موقع ليندكن LinkedIn:
موقع ليندكن من أكتر المواقع الى ممكن تلاقى عليها وظايف كتير خاصة بالتسويق الألكترونى ، اعمل سيرش (بحث) عن digital marketer أو social media manager أو Media Buyer وهتلاقى فرص كتير بس جهز CV كويس وقدم يا معلم.
2. دور على وظائف تسويق على موقع وظف:
موقع وظف منتشر فالدول العربية والخليج ، فممكن تلاقى علية فرصة بسهولة بس دور بالعربى او بالأنجلش (بالمصطلحات الى ذكرتها فوق).
3. دور على فرص عمل تسويق الكترونى على جروبات الفيسبوك:
جروبات كتير فالفيس بوك بينزل عليها اعلانات توظيف تسويق الكترونى ، ودلوقت هضيف لينكات لجروبات ان شاء الله تساعدك يا صديقى:
جروبات تسويق الكترونى (ديجيتال ماركتنج) فى مصر: "أضغط على اسم الجروب ليفتح لك"
مجموعة The Egyptian Marketeers Community
قروب EGY Marketers & Advertisers
رابط مجموعة Arabian Marketer - الماركتير العربى
الخلاصة
الخلاصة لاصة لاصة يا صديقى ان التسويق الألكترونى دا من اكتر المجالات المهمة دلوقت ، لانها مطلوبة جدا والخبرات والكوادر فيها قليلة جداً. يعنى هتقدر تنافس فيها بسهولة بس تبقا فاهم انت بتعمل اية ويكون معاك كورسات كتير. اتعلم كتير وربنا يوفقك فرحلتك ، ولو احتجت حاجة احنا معاك.